كتب _ محمود أبو الليل

قال اينو أحمد، المدرب المساعد بنادى منتخب السويس: “الحمد لله على كل شيء كان نفسنا نعمل حاجة للنادى، وجماهير السويس، ونصعد بس قدر الله وما شاء فعل”.

وأكد “اينو”: “مجلس الادارة، برئاسة ميدو هلال، وفر كل شئ، لكن قابلنا حاجات كتيرة منها اصابات قوية للاعيبة مؤثرة جدًا في الفرقة مثل أحمد زغلول، وأحمد الجندي، وعمارة نيمار برباط صليبى، مما أفقد الفريق خطورة خط الهجوم، وغياب التهديف مع فقدان نقاط كتير كانت كفيلة بصعود الفريق من منتصف مباريات الدور الثاني”.

ويرى “اينو” أن مجلس الإدارة بالتعاون مع الجهاز الفنى الجديد قادر على شراء لاعبين تقدر تعمل إضافة مع اللعيبة اللى مكملة مع النادي في الموسم الجديد، وتقدر تحقيق حلم جماهير السويس بالصعود للدوري الممتاز.

واستكمل، “طبعا استحالة يكون في اتفاق جماعي من اللاعبين على أيمن المزين، المدير الفني السابق للفريق خلال مباراة النصر، والتى انتهت بفوز النصر برباعية نظيفة، بس اللى يشوف الماتش، وأداء اللعيبة ممكن يحس بكده، ولما المزين قال في مؤامرة من اللاعبين، قال لو انتم قاصدين مش هتبقوا كده أبدًا، أو تبقوا بالأداء السيء ده”.

يُذكر أن منتخب السويس، بقيادة ياسر السيد، و اينو أحمد اختتم مباراته، أمس الجمعة، بالفوز على فريق القناة بهدفين مقابل هدف، ليصل للنقطة 41، محتلاً المركز السادس.