النصر
ميشو يروي تفاصيل أزمته مع النصر القاهري
كتبت: رئيسة فودة
نشر محمد سعيد ميشو لاعب بلدية المحلة السابق عبر صفحته الخاصة على “الفيسبوك”، الأزمة التي تعرض له من فريق النصر القاهري ويروي ما حدث له منذ التعاقد معه حتي الإستغناء عنه.
وكتب محمد سعيد ميشو “فى بداية كلامى حابب اعرف كل الناس أن أنا موجود في البيت بدون عمل ولا مقيد في نادي بسبب الموقف الغير احترافي والغير اخلاقي الي حصل من خلال إدارة الكورة نادي النصر القاهري حسبى الله ونعمة الوكيل أنا فى من شهر وكيل لاعبين بدون ذكر اسمه كلمنى قالى نادى النصر عاوزينك و كابتن ياسر كلمنى وعاوزين يقعدوا معك قولتلوا تمام المهم رحت اعدت مع المدير الفنى ياسر رضوان و رحيم عبد الحق مدير الكورة”.
” وطبعا هما عاوزينى لأن شافونى ولعبت قدامهم كتير المهم اعدنا واتفقنا على كل شي طيب الفلوس امتا قالى رحيم مدير الكورة آخر الأسبوع مع كل الاعيبه وفعلا مكنش فى لعيب اخد فلوس خالص المهم نزلت التمرين أول يوم والدنيا تمام وثانى يوم اشتغلت اطول مع الفرقه مكنتش فى برنامج تأهيلى ولا الكلام دا المهم اتمزق فى التمرين دا اتصابت بمزق ٢ملى”.
” ورحت للدكتود قالى هتعد تتعالج اسبوعين و روحت عملت سونار على حسايي الشخصى و علاج كمان المهم عرفتهم ان الدكتور قالى، اسبوعين وكده المهم بعد كده لاقيت المعامله اتغيرت وطلعوا فلوس للاعيبه و متطلعش ليا حاجه خالص و كان مدير الكورة قالى ليا اول فلوس تتطلع هطلعلك معاهم فلوسك لان انا معرفوا ان مراتى حامل ومحتاج فلوس ضرورى روحت اتكلم معه علشان ملقتش طالع ليا فلوس قالى الورق بتاخد وقت”.
” المهم انا بروح للدكتور بعمل جلسات كل يوم وانا بعمل جلسه كان معايا 2 لاعيبه فى الفرقه بيقولولى حد كلمك فى حاجه من النادى قولتلهم لا قولولى احنا سمعنا ان عاوزين يمشوك علشان عاوزين حد جاهز”.
“روحت الناس بعديها بيوم قبلت مدير الكورة رحيم بقولى هو انتوا عاوزين تمشونى !! انا راجل اتصبت عنكم ومفيش وقت اروح مكان تانى الدنيا كلها قفلت و مراتى دخله على ولاده قالى هتكلم مع الكابتن وهقولك !!! روحت اتكلم مع المدير الفنى ياسر رضون قولتلوا يعنى انا لو ابنك تقبلها عليه”
“قالى القرار مش بتاعى لوحدى لاقيت نفسى هقل من نفسى ومن اسمى روحت قولتهم اللى انتو شايفينوا وانا مش مسامح خدت بعضى ومشيت “.
“.الكلام دا الاسبوع اللى فات وكان فاضل ليا ٣جلسات انا حقى عند ربنا ومش مسامحهم وحسبى الله ونعمه الوكيل ضيعوا عليا ٦شهور لو كانوا مشونى فنيآ مش كنت هزعل ودى هتكون صعبه اوى للان فنيآ هما عارفين كويس انا مين وايه فى الكوره لكن انا علشان مليش ظهر حصل معايا كده”.
“طيب دا كلام ميرضيش ربنا انا الحمد لله معروف فى مجال الكورة ولا بعمل مشاكل ولا ليا فى اى شئ غير الكورة والملعب فقط انا دلوقتى ضعف ولا اقدر اعمل اى شى غير انى هعد فى البيت لحد شهر واحد دا يرضى مين الكلام دا !!!!!!”.
“انا عاوز اوصل الرسالة للناس المسئولين على الكورة فى مصر واكيد مش اول لاعيب يحصل معاه موقف زى دا حسبى الله ونعمه الوكيل”
ويرغب محمد ميشو في وصول صوته للمسؤولين في الوسط الرياضي من أجل مساندته والوصول الي حل قبل إغلاق القيد .
